"Simurq" klubu komandanın düşərgəsində baxışda olan Tomislav Buşiçlə münasibətləri rəsmiləşdirib. Siasport.az saytının məlumatına görə, Zaqatala təmsilçisi ilə müqavilə bağlayan xorvatiyalı futbolçu mövsümün sonuna qədər sarı-qaraların formasını geyinəcək.
Tomislav Buşiç "Simurq"un heyətində 12 nömrəli forma ilə çıxış edəcək. 27 yaşlı hücumçu peşəkar futbolçu karyerasına 2004-cü ildə ölkəsində başlayıb. 2007-ci ilə qədər "Hayduk"da top qovduqdan sonra, ilk legioner həyatın yaşayıb. 21 yaşında Kiyev "Dinamo"suna icarə əsasında keçsə də, heyətdə özünə yer edə bilməyib və İsrailin "Makkabi" klubuna transfer olunub. Bir il burda da legioner həyatı yaşadıqdan sonra o, ölkəsinə qayıdıb və "Slaven Belupo" ilə razılığa gəlib. 2010-cu ildən bu komandada forma geyinən Buşiç, ölkəsinin ən köklü klubunun heyətində bir çox uğurlara imza atıb. Xüsusən də cari mövsümdə Avropa Liqasının play-off mərhələsində "Atletik Bilbao"ya məğlub olan "Slaven Belupo"nun heyətində 4 qarşılaşmada meydana çıxıb və iki dəfə rəqib qapıçılarını məyus etməyi bacarıb.
"Simurq"un Antalya toplanışına dəvət olunan Tomislav Buşiç yanvarın 20-dən burada məşq edir. Təlim-məşq toplanışı çərçivəsində keçirilən yoxlama görüşlərindən üçündə meydana çıxan xorvatiyalı hücumçu "Tom"la matçda komandanın bərabərlik qolunun müəllifi olub.
Bütün xəbərlər Facebook səhifəmizdə
USD
EUR
GBP
RUB