Topaz Premyer Liqasının XVII turu "Xəzər Lənkəran" üçün əlamətdar hadisə ilə tarixə düşdü. Siasport.az saytının məlumatına görə, "Neftçi"ni qəbul edən "Xəzər Lənkəran" Azərbaycan çempionatında yubiley – 250-ci matçını keçirdi. 2004/05 mövsümündə ölkə çempionatında debüt edən cənub klubu tarixinin ilk rəsmi matçını 2004-cü il avqustun 7-də "Turan"a qarşı keçirib.
"Neftçi" ilə "Böyük oyun"a kimi 249 matça çıxan komanda azarkeşləri önündə qeyd etdiyi yubileyində qələbə qazandı - 2:1. Tarixi baxımdan 6-cı əlamətdar qarşılaşmaya çıxan "Xəzər Lənkəran" bu matçlarda "səfərdə heç-heçə, evdə qələbə" prinsipini davam etdirdi. 100-cü və 200-cü oyunlarını evdə qələbə ilə qeyd edən komanda 250-ci matçda 3 xala sevindi.
| 1 | 2004/05 | 07.08.2004 | Turan (Tovuz) | s | 1:1 |
| 50 | 2005/06 | 17.02.2006 | Bakı (Bakı) | s | 1:1 |
| 100 | 2007/08 | 23.02.2008 | Masallı (Masallı) | e | 4:1 |
| 150 | 2009/10 | 06.12.2009 | İnter (Bakı) | s | 1:1 |
| 200 | 2010/11 | 13.05.2011 | Bakı (Bakı) | e | 2:0 |
| 250 | 2012/13 | 14.12.2012 | Neftçi (Bakı) | e | 2:1 |
Qeyd edək ki, 250 oyunda 133 qələbə qazanan "Xəzər Lənkəran" 72 heç-heçə edib və 45 dəfə uduzub. Bu matçlardakı top fərqi 382-172-dir ki, 2004/05 mövsümünün "Şəfa" ilə oyunundakı texniki qələbə (3:0) top fərqinə salınmayıb. Komanda 250 qarşılaşmadan 124-nü evdə, 125-ni səfərdə, 1-ni isə neytral meydanda keçirib. Cənub təmsilçisi 8 il ərzində 26 rəqiblə üz-üzə gəlib.
Bütün xəbərlər Facebook səhifəmizdə
USD
EUR
GBP
RUB