Azərbaycan milli komandasının oyunu ilə əlaqədar Topaz Premyer Liqasında yaranmış fasilədən sonra "Qəbələ" ilk oyununu noyabrın 19-da keçirəcək. Siasport.az saytının məlumatına görə, komandanın rəqibi Gəncənin "Kəpəz" klubu olacaq. Rəqibin ölkənin ən zəngin tarixə malik klublarından biri olmasına baxmayaraq, komandalar cəmi 7 dəfə görüşüb.
Bu da qərblilərin müəyyən müddətə fəaliyyətini dayandırması ilə bağlıdır. Bu üzdən "Qəbələ" ilə Gəncə təmsilçisi arasında ilk oyun 2 il əvvəl oktyabrın 31-də baş tutub. Həmin vaxt "Gəncə" adlanan klubla 2 dəfə təsnifat mərhələsində görüşən "Qəbələ" qolsuz heç-heçələrlə kifayətlənmişdi. Bu komandalar həmin – 2010/11 mövsümündə 7-12-ci yerlər uğrunda final mərhələsində də üz-üzə gəliblər. Lakin yenə hər 2 matç heç-heçə bitib. Yeganə fərq ondan ibarət olub ki, Qəbələdə komandalar 1 xalı 1 qolla qazanıblar.
Ötən mövsüm isə komandaların hərəsi öz meydanında qalib gəlməyi bacarıb. "Qəbələ" doğma divarlar arasında 2 cavabsız qol vurmağın öhdəsindən gəlsə də, gəncəlilər evdə minimal fərqə sevinib. Qeyd edək ki, "Qəbələ" məğlub olduğu səfər matçında da 2 qol vurub. Gəncə təmsilçisi cari mövsüm də ev oyununda minimal fərqli qələbəyə sevinib.
Bununla da ölkə kubokunda heç vaxt görüşməyən komandaların çempionatdakı 7 qarşılaşmasında top fərqi tarazlaşıb - 5:5.Qələbə sayında "Kəpəz" öndədir. Lakin qonaqların heç vaxt qalib gəlmədiyi duellərdə 2-ci qələbəni qazanıb, tarazlığa nail olmaq növbəsi "Qəbələ"nin tərəfindədir. Son 3 qarşılaşmada meydan sahiblərinin qalib gəlmək ənənəsinin davamı bunun üçün yetərlidir.
|
2010/11 |
31.10.2010 |
Premyer Liqa |
Gəncə - Qəbələ |
0:0 |
|
2010/11 |
27.02.2011 |
Premyer Liqa |
Qəbələ - Gəncə |
0:0 |
|
2010/11 |
02.04.2011 |
Premyer Liqa |
Qəbələ - Gəncə |
1:1 |
|
2010/11 |
12.05.2011 |
Premyer Liqa |
Gəncə - Qəbələ |
0:0 |
|
2011/12 |
16.10.2011 |
Premyer Liqa |
Qəbələ - Kəpəz (Gəncə) |
2:0 |
|
2011/12 |
07.03.2012 |
Premyer Liqa |
Kəpəz (Gəncə) - Qəbələ |
3:2 |
|
2012/13 |
15.09.2012 |
Premyer Liqa |
Kəpəz (Gəncə) - Qəbələ |
1:0 |
Bütün xəbərlər Facebook səhifəmizdə
USD
EUR
GBP
RUB