Bakı şəhər Gənclər və İdman Baş İdarəsi və Azərbaycan Güləş Federasiyası tərəfindən Hövsan Olimpiya İdman Kompleksində sərbəst və yunan-roma güləşi üzrə Bakı şəhər çempionatı keçirilib. Siasport.az saytının məlumatına görə, yarışda sərbəst güləş üzrə 95 idmançı, yunan-roma növü üzrə isə 66 güləşçi iştirak edib. Nəticələrə görə sərbəst güləş üzrə yarışlarda 55 kq çəki dərəcəsində I yerə İxtiyar Quliyev (Neftçi İSM), 60 kq çəki dərəcəsində I yerə Cəlal Süleymanov (DİN İC), 66 kq çəki dərəcəsində I yerə Hüseyn Nəsirov (Lokomotiv), 74 kq çəki dərəcəsində I yerə Bəxtiyar İsrafilli (Spartak), 84 kq çəki dərəcəsində I yerə Mircəfər Murtuzlu (Neftçi İSM), 96 kq çəki dərəcəsində I yerə Roman Bəkirov (Lokomotiv), 120 kq çəki dərəcəsində I yerə İlham Abidov (Lokomotiv) layiq görülüb.
Yunan-roma güləşi üzrə yarışlarda 55 kq çəki dərəcəsində I yerə Fazil Zamanzadə (İnter), 60 kq çəki dərəcəsində I yerə Taleh Məmmədov (Neftçi İSM), 66 kq çəki dərəcəsində I yerə Qadir Süleymanov (Cəngi), 74 kq çəki dərəcəsində I yerə Azad Əliyev (İnter), 84 kq çəki dərəcəsində I yerə Toğrul Yunisli (İnter), 96 kq çəki dərəcəsində I yerə Adil Hüseynov (DİN İC), 120 kq çəki dərəcəsində I yerə Eldar Atakişiyev (BAKI GK) layiq görülüb.
I, II və III yerləri tutmuş idmançılar medallar və diplomlarla təltif olunublar. I - VI yeri tutmuş idmançılar dekabr ayında keçiriləcək Respublika yarışlarına vəsiqə qazanıblar.
Bütün xəbərlər Facebook səhifəmizdə
USD
EUR
GBP
RUB