"Qəbələ"nin 6 futbolçusunun milli komandalar arasında keçirilən yoldaşlıq oyunlarına dəvət aldığı barədə xəbər vermişdik. Sevindirici haldır ki, 6 futbolçunun təmsil olunduğu 4 yığma keçirdiyi oyunları qələbə ilə yekunlaşdırıb. Siasport.az saytının məlumatına görə, Aleksandr Çertoqanov, Vurğun Hüseynov və Anar Nəzirovun çağırıldığı Azərbaycan yığması Bəhreyni 3:0, Omar Kalabanenin şərəfini qoruduğu Qvineya millisi Mərakeşi 2:1, Deyan Kelharın dəvət aldığı Sloveniya yığması Rumıniyanı 4:3, Urfan Abbasovun çıxış etdiyi Azərbaycan U-21 komandası estoniyalı həmyaşıdlarını 2:0 hesabı ilə məğlub edib. Futbolçulardan ən ağır məsuliyyət isə Omar Kalabanenin çiyninə düşüb. Kapitan kimi Qvineya millisinə liderlik edən müdafiəçi komandasının qələbəsində böyük pay sahibi olub.
Bütün xəbərlər Facebook səhifəmizdə
USD
EUR
GBP
RUB