"Siz indi hava limanında Azərbaycanın qəhrəmanlarını qarşılayırsınız". Siasport.az saytının məlumatına görə, bu sözləri Azərbaycan Güləş Federasiyasının vitse-prezidenti Məhəmməd Əliömərov deyib. O, idmançılarımızın qazandıqları uğurları yüksək qiymətləndirib. Vitse-prezident güləşçilərimizin 7 medal qazanmasının çox böyük nailiyyət olduğunu vurğulayıb. M.Əliömərov bu uğurların qazanılması üçün Azərbaycanda idmançılara hər cür şəraitin yaradıldığını qeyd edib. O, idmançılarımızı azarkeşlərin möhtəşəm dəstəklədiklərini deyib və onlara təşəkkürünü bildirib: "Burada bu cür azarkeşlər, dəstəkçilər, yüksək səviyyəli qayğı varsa, Azərbaycanda idman daha da yüksəklərə qalxacaq və daha inkişaf edəcək. Bizim yeni medalçılarmız, yeni çempionlarımız olacaq".
Bütün xəbərlər Facebook səhifəmizdə
USD
EUR
GBP
RUB