AFFA-nın İntizam Komitəsinin iclası keçirilib. Siasport.az saytının məlumatına görə, iclasda aşağıdakı qərarlar qəbul olunub:
10 avqust 2012-ci il, 2012/2013 mövsümündə, XXI Azərbaycan Premyer Liqasının II turunun "Bakı" – "Simurq" matçında qapı torunda problem olduğuna görə matç 7 dəqiqə gec başladığı üçün meydan sahibi klub 3000 manat cərimə olunur (maddə 53).
11 avqust 2012-ci il, 2012/2013 mövsümündə, XXI Azərbaycan Premyer Liqasının II turunun AZAL – "Rəvan" matçında AZAL klubunun 4, "Rəvan" klubunun 5 futbolçusu sarı vərəqə ilə cəzalandırığı üçün hər iki klub 1000 manat cərimə olunur (maddə 40).
11 avqust 2012-ci il, 2012/2013 mövsümündə, XXI Azərbaycan Premyer Liqasının II turunun "Turan" – "Sumqayıt" matçında "Turan" klubunun 4 futbolçusu sarı vərəqə ilə cəzalandığı üçün klub 1000 manat cərimə olunur (maddə 40).
Oyunun 28-ci dəqiqəsində "Sumqayıt" klubunun 76 №-li futbolçusu Uğur Pamuk kobud oyuna görə birbaşa qırmızı vərəqə alaraq meydandan kənarlaşdırıldığı üçün futbolçu 2 oyunluq cəzalanır, klub 2000 manat cərimə olunur (maddə 37.1).
10 avqust 2012-ci il, 2012/2013 mövsümündə, XXI Azərbaycan Premyer Liqasında çıxış edən klubların əvəzedici heyətlərinin II turunun AZAL – "Rəvan" matçının 84-cü dəqiqəsində "Rəvan" klubunun 17 №-li futbolçusu Muxtar İsmayılov kobud oyuna görə ikinci sarı vərəqə alaraq meydandan kənarlaşdırıldığı üçün futbolçu 1 oyunluq cəzalanır, klub 100 manat cərimə olunur (maddə 48).
Bütün xəbərlər Facebook səhifəmizdə
USD
EUR
GBP
RUB
