Çempionlar
Liqasının II təsnifat mərhələsinin cavab oyunları çərçivəsində Tbilisidə yerli
"Zestafoni" klubu ilə 2:2 hesablı heç edərək, ümumi hesabda qələbə qazanan
\"Neftçi\"nin prezidenti Sadıq Sadıqov oyundan sonra jurnalistlərə
açıqlama verib. Siasport.az saytının Gürcüstana ezam olunmuş əməkdaşının
verdiyi məlumata görə, o layiqli qələbə qazandıqlarını qeyd edib: "Bizə qarşı burada göstərilən bütün
haqsızlıqlara, təzyiqlərə baxmayaraq, layiqli qələbə qazandıq. Bu gün oyunboyu
üstünlük tamamilə "Neftçi"nin tərəfində idi. Meydanda diqtə edən məhz bizim
komandamız idi. Bu da onu göstərir ki, ilk oyunda qazandığımız 3:0 hesablı
qələbə heç də təsadüfi deyildi. Layiqli oyun sərgiləyərək, üçüncü mərhələyə
yüksəldik".
Klub prezidenti növbəti rəqib barədə də
fikirlərini bildirib: "Hamı bilir ki, İsrail çempionu çox güclü komandadır.
Onlara qarşı bizi həddindən artıq çox çətin oyunlar gözləyir. İndidən qəti söz
demək çətindir. Amma "Neftçi" Azərbaycan xalqını yenidən sevindirmək üçün
əlindən gələni edəcək. Lakin qarşıdakı mərhələdə uğur qazanıb-qazanmamağımız,
eləcə də qrup mərhələsinə düşüb-düşməməyimiz qismətdir".
Bütün xəbərlər Facebook səhifəmizdə
USD
EUR
GBP
RUB