Çempionlar Liqasının II təsnifat mərhələsinin cavab oyunları çərçivəsində Bakının "Neftçi" komandası Tbilisidə "Zestafoni" klubu ilə qarşılaşıb. Bu komandaların ötən həftə paytaxtımızda keçiriən görüşündə "Neftçi" 3:0 hesabı ilə qalib gəlmişdi.
SİA-nın Gürcüstana ezam olunmuş müxbirinin verdiyi məlumata görə, görüş meydan sahiblərinin hücumları ilə başlayıb və "Zestafoni" 4 dəqiqə ərzində 2 top vurub. Amma cəmi 2 dəqiqə sonra Vobay "Neftçi"yə nəfəs verən qola imza atıb.
İkinci hissənin əvvəllərində komandamız penalti vurmaq hüququ qazanıb və Rəşad Sadiqov hesabı bərabərləşdirib-2:2. Matç bu hesabla da başa çatıb.
Beləliklə, "Neftçi" iki görüşün yekununa görə, növbəti mərhələyə yüksəlib. Burda onun rəqibi İsrailin"Hapoel" komandası olacaq. İlk görüşdə "Jilina"ya səfərdə 0:1 məğlub olan İsrail klubu cavab görüşündə 2:0 hesabı ilə qalib gələrək "Neftçi"yə rəqib oub.
\"Zestafoni\" (Gürcüstan) - \"Neftçi\" (AZƏRBAYCAN) (İlk oyun - 0:3) - 2:2
Qollar: David Muciri, 15 (1:0), Jaba Dvali, 19 (2:0), Julius Vobay, 21 (2:1), Rəşad Sadiqov, 52-pen (2:2)
Hakimlər: Artyom Kuçin, Evqeni Beliskiy, Alibek Abubəkirov, Ruslan Duzmametov (Qazaxıstan)
Zestafoni. David Abaşidze adına stadion
"Neftçi": Rauf Mehdiyev, Rail Məlikov, İqor Mitreski, Elvin Yunuszadə, Bruno Bertuççi, Rəşad Sadiqov, Cavid İmamverdiyev, Flavinyo, Julius Vobay (Araz Abdullayev, 76), Nikolas Kanales, Erik Ramos
\"Zestafoni\": Roini Kvasxadze,Temuraz Gongadze, Tornike Grigalaşvili, Mamuka Kobakidze, Tedore Grigalşvili, Tornike Gorgiaşvili, David Mujiri, Jaba Dvali, Levan Sharikadze, Zurab Menteşeşvili, Aboyomi Oşonikoko
Bütün xəbərlər Facebook səhifəmizdə
USD
EUR
GBP
RUB