XXX Yay Olimpiya Oyunlarına növbəti lisenziyanı 96 kq çəkidə sərbəst güləş yığmamızın üzvü Xetaq Qazyumov qazanıb. Azərbaycan Güləş Federasiyasından mətbuata verilən məlumata görə, Qazyumov ardıcıl olaraq, alman William Harthı (0:1, 1:3), slovak Jozef Jaloviarı (0:2, 0:4) və ukraynalı Valerii Andriitsevi (1:0, 1:0) məğlub edərək finala yüksəlib.
Finala yüksəlməklə güləşçimiz yığmamıza 11-ci Olimpiya lisenziyasını qazandırıb. Finalda Xetaq Qazyumov rəqibi qırğızıstanlı Magomed Musaevə də qalib gələrək turniri birinci sırada tamamlayıb.
Xatırladaq ki, bu idmançılarımızın London Yay Olimpiya Oyunlarına qazandığı sayca 40-cı lisenziyadır.
Bütün xəbərlər Facebook səhifəmizdə
USD
EUR
GBP
RUB