Argentinalı və braziliyalı futbolçular arasındakı söz davası bitmək bilmir. Siasport.az saytı xəbər verir ki, zaman-zaman Pele ilə Diyeqo Maradona arasında yaşanan gərginlik, indi də hər iki veteran futbol əfsanəsinin gənc futbolçuları hədəfə almaları ilə davam edir.
Belə ki, D.Maradonanın braziliyalı ulduz futbolçu Neymarı daima tənqid etməsinin ardınca, indi də Pele "Barselona"nın argentinalı ulduz futbolçusu Leonel Messini "topa tutmağa" başlayıb. L.Messinin ulduz futbolçu olduğunu etiraf edən Pele, bununla yanaşı, "Barselona"lı ulduz futbolçunun onunla müqayisə olunmazdan əvvəl həmyerlisi gənc Neymarı geridə qoymasının vacib olduğunu açıqlayıb. "Ola bilər ki, Neymar Messi ilə müqayisədə təcrübəsizdir. Amma usta futbolçu olmaq və futbol texnikası baxımından Neymar Messini arxada qoyur"-deyə Pele fikrini tamamlayıb.
Bütün xəbərlər Facebook səhifəmizdə
USD
EUR
GBP
RUB