Unibank Premyer Liqasının XXIII turunda "Xəzər Lənkəran" klubu səfərdə ən çox oyun keçirən komanda olub. Siasport.az saytının məlumatına görə, cənublular artıq 4-cü dəfə rəqiblə səfərdə görüş keçirib. Belə ki, fevralın 21-də "Qəbələ"nin (1:2), martın 3-də "Sumqayıt"ın (3:0), 7-də "Turan"ın (1:0) qonağı olan "Xəzər Lənkəran" bu dəfə də "Qarabağ"ın (0:1) meydanında oynayıb.
Qeyd edək ki, sonuncu dəfə öz meydanında fevralın 15-də AZAL-la qarşılaşan "Xəzər Lənkəran" 8 illik tarixində belə halla üzləşməyib. Komanda ən pis halda ardıcıl 3 dəfə səfər matçında qüvvəsini sınayıb.
Məlumat üçün bildirək ki, qarşıda daha 1 səfər matçı var. Belə ki, kubokun martın 14-də keçiriləcək ¼ final mərhələsinin ilk oyunu "İnter"in meydanında keçiriləcək. Onu da əlavə edək ki, "Xəzər Lənkəran" növbəti dəfə evdə martın 18-də "Bakı" ilə oynayacaq.
Orxan Faiqov
Bütün xəbərlər Facebook səhifəmizdə
USD
EUR
GBP
RUB