Dekabrın 10-da "Sərhədçi" Olimpiya İdman Mərkəzində Ümumdünya Boks Seriyasının (WSB) 4-cü turunun matçında Azərbaycanın "Baku Fires" və Almaniyanın "Leipzig Leopards" komandaları qarşılaşacaqlar.Siasport.az saytı xəbər verir ki, klublar hərəyə 9 xal toplayıb və "B" qrupunda ilk iki pilləni tuturlar. Komandaların heyətləri artıq məlumdur: "Baku Fires" – "Leipzig Leopards": 54 kq - Məhəmməd Əbdülhəmidov – Edqar Valt, 61 kq - Semyon Qrivaçyov – Eugen Burxard, 73 kq - Nikolay Veselov – Denis Radovan, 85 kq - Ramazan Məhəmmədov – Kennet İqan, 91 kq-dan yuxarı - Əbdülqədir Abdullayev – Kornelius Şıxan. Qeyd edək ki, bu matçda Nikolay Veselov Baku Fires-ın heyətində birinci döyüşünü keçirəcək. Avro-2010-un bürünc mükafatçısının rəqibi gənclər arasında dünya çempionatının medalçısı Denis Radovan olacaq. Digər 4 boksçumuz artıq hərəyə bir döyüş keçirərək qələbə qazanıblar. "Leipzig Leopards"ın heyətində ən tanınmış boksçu Kennet İqandır. İrlandiyalı idmançı Pekin Olimpiadasında gümüş medal qazanıb.
Bütün xəbərlər Facebook səhifəmizdə
USD
EUR
GBP
RUB