Azərbaycan Respublikası Gənclər Təşkilatları Milli Şurasının rəhbərliyi Azərbaycanda səfərdə olan Türk Döyüş idman növü - Sayokan Dünya Federasiyasının rəhbəri Yabğu Nihat İgid, DSF-ın prezidenti Unal Özdemir DSF-ın vitse-prezidenti Mücahit Coşkun və Azərbaycan Soyakan Federasiyasının rəhbəri Vasif Namazovla görüşüb.
SİA-ya verilən məlumata görə, qonaqları salamlayan millət vəkili Fuad Muradov bildirib ki, Azərbaycanla Türkiyə hər zaman tarixə söykənən qardaşlıq münasibətlərinin inkişafı istiqamətində ciddi addımlar atıb. Bu gün də həmin addımlar Azərbaycan və Türkiyə prezidentləri tərəfindən yüksək şəkildə davam etdirilir: "İstər idman, istər mədəniyyət, istər digər sahələrdə daim bir-birimizə dəstək verməyə həmişə hazırıq. Ortaq dəyərlərimizin inkişafında Azərbaycan həmişə maraqlıdır və bu işdə də öz töhvəsini verir. Düşünürəm ki, Sayokan Türk Döyüş növünün Azərbaycanda yayılmasına və inkişafına biz öz tərəfimizdən lazımi dəstəyi verəcəyik".
ARGTMŞ-nın rəhbərliyinə təşəkkür edən Sayokan Dünya Federasiyasının rəhbəri Yabğu Nihat İgid bildirib ki, türk birliyinin güclənməsində idmanın da rolu çox böyükdür. Daha sonra ARGTMŞ-nın idarə heyətinin üzvü, "Sağlam İnkişaf və Maarifləndirmə" İctimai Birliyinin sədri Anar Xəlilov qonaqları salamlayaraq qeyd edib ki, bu gün Azərbaycanda idmanın inkişafına dövlət tərəfindən böyük dəstək verilir: "Demək olar ki, idmanın bütün sahələri ölkəmizdə yüksək inkişaf mərhələsindədir.Ümid edirəm ki, milli dəyərlərimizdən qaynaqlanan bu idman növü də Azərbaycan gənclərində yüksək maraq doğuracaq".
Görüşdə qonaqlar və ARGTMŞ-nın sədr müavini, Dünya Gənclər Bankının regional ofisinin rəhbəri Vüsalə Hüseynli, ARGTMŞ-nın büro üzvü "Bakı Gənclər Klubu"nun sədri Azər Cavadov da türk dünyasının inkişafında gənclərin verdiyi töhvələr barədə fikir bildiriblər.
Bütün xəbərlər Facebook səhifəmizdə
.jpg "Rusiyada dəhşətli Partlayış Baş Verib!")
USD
EUR
GBP
RUB