Yuri Şukanov: "Azərbaycan dünya idmanının, xüsusilə də həvəskar boksun inkişafına töhfələrini verməkdədir"-AÇIQLAMA
"Boks üzrə dünya çempionatının Azərbaycanda keçirilməsi təsadüfi deyil. Ölkəniz dünya idmanının, xüsusilə də həvəskar boksun inkişafına töhfələrini verməkdədir. Azərbaycan idmançıları müxtəlif beynəlxalq yarışlarda, o cümlədən Olimpiya oyunlarında uğurla çıxış edirlər". Siasport.azx saytı xəbər verir ki, bu sözləri Bakıda keçirilən boks üzrə 16-cı dünya çempionatına gəlmiş Belarus yığma komandasının baş məşqçisi Yuri Şukanov deyib.
Azərbaycanda bir neçə dəfə olduğunu qeyd edən baş məşqçi, Bakının ildən-ilə daha da gözəlləşdiyinin şahidi olduğunu söyləyib.
Yuri Şukanov əsasən 69, 75 və 91 kiloqram çəki dərəcəsindəki yetirmələrinin yüksək nəticələr əldə edəcəyinə inandığını bildirib.
Bütün xəbərlər Facebook səhifəmizdə
USD
EUR
GBP
RUB