"Bakı" klubunun futbolçusu Elvin Əliyevin "Neftçi" ilə oyundan sonra döyülməsi ilə bağlı hər iki klub rəsmi bəyanat yayıb. Siasport.az saytı hər iki klubun bəyanatını olduğu kimi nəzərinizə çatdırır:
"Bakı" FK
"Oyundan sonra yaşanan olaylar bizi üzdü. Futbolçumuzun təzyiqə məruz qalması idman prinsiplərinə yad, Azərbaycan idmanına yaraşmayan hərəkət kimi dəyərləndirildi. Olaydan dərhal sonra klub rəhbərləri bir araya gələrək oyundan sonra yaşanan hadisələri analiz edib və münasibət bildiriblər. Hadisənin anlaşılmazlıqdan yarandığı təsdiqini tapıb, tərəflər bütün məsələlərə aydınlıq gətiriblər.
"Bakı" futbol klubu "Neftçi" rəhbərliyinin səmimiyyəti və operativ reaksiyası nəticəsində klub rəhbərliyinin üzrxahlığını və günahkarların aşkarlanaraq cəzalanacağı vədini qəbul edir. "Neftçi" - "Bakı" qarşılaşmasından sonra yaşanan halların bir daha təkrarlanmaması ümidi ilə məsələnin bağlandığını bildirir".
"Neftçi" PFK
"Azərbaycan Premyer Liqasının 7-ci turunun "Neftci" - "Bakı" görüşündən sonra "Bakı" klubunun futbolçusu Elvin Əliyevlə bağlı baş vermiş olaylarla əlaqədar hər iki klubun rəsmiləri bir araya gələrək, hadisələrə münasibət bildiriblər. Bütün məsələlərə aydınlıq gətirildikdən sonra, hadisənin anlaşılmazlıqdan yarandığı təsdiqlənib. Həm "Neftçi", həm də "Bakı" klubu bu cür halların bir daha yaşanmaması üçün müvafiq tədbirlərin həyata keçirilməsinin zəruriliyini vurğulayıb".
Bütün xəbərlər Facebook səhifəmizdə
USD
EUR
GBP
RUB