"Qarabağ" klubunun baş məşqçisi Qurban Qurbanov Almaniyaya yollanacaq. Siasport.az saytı xəbər verir ki, komandanın çalışdırıcısı Dortmundun "Borussiya"sında təcrübə mübadiləsindən yararlanacaq. Sentyabrın 4-11-i arasında baş tutacaq səfər zamanı baş məşqçi sonuncu Almaniya çempionunun məşqlərini izləyəcək, infrastrukturuyla tanış olacaq. Q.Qurbanovun eyni zamanda "Borussiya"nın çalışdırıcısı Yurgen Kloppla görüşü də nəzərdə tutulub. Sentyabrın 11-i geri dönəcək çalışdırıcının "Sumqayıt-Şəhər"lə Premyer Liqada baş tutacaq oyuna yetişəcəyi gözlənilir.
Xatırladaq ki, bu, Ağdam təmsilçisinin baş məşqçisinin ilk belə səfəri deyil. Q.Qurbanov 2010-cu ilin yanvar ayında "Qalatasaray"ın düşərgəsinə yollanıb və "sarı-qırmızı"ların o vaxtki baş məşqçisi Frank Raykardla görüşüb.
Bütün xəbərlər Facebook səhifəmizdə
USD
EUR
GBP
RUB