AFFA Futbol Mərkəzində yerləşən çimərlik futbolu stadionunda AFFA, Milli Olimpiya Komitəsi və Böyük Britaniyanın Azərbaycandakı səfirliyinin birgə təşkilatçılığı ilə çimərlik futbolu üzrə mini-turnir keçirilib. Siasport.az saytı xəbər verir ki, turnir 2012-ci ildə Londonda keçiriləcək Yay Olimpiya Oyunlarının təbliği məqsədilə təşkil olunub. 6 komandanın mübarizə apardığı yarışın qalibi adını mətbuat nümayəndələrindən təşkil olunmuş komanda qazanıb. Oyunlar başa çatdıqdan sonra mükafatlandırma mərasimi keçirilib. Qaliblərə mükafatları AFFA-nın baş katibi Elxan Məmmədov və Milli Olimpiya Komitəsinin vitse-prezidenti Çingiz Hüseynzadə təqdim edib.
Bütün xəbərlər Facebook səhifəmizdə
USD
EUR
GBP
RUB