"Nəticəyə görə məyusam. Futbolçularımdan bundan artıq nəsə tələb edə bilmərəm. Bəzi oyunçular daha yaxşı hazırlaşmaq üçün imkan tapa bilmədilər". Siasport.az saytı xəbər verir ki, bu sözləri "Makkabi" (Tel Aviv) - "Xəzər Lənkəran" oyunundan sonra təşkil olunmuş mətbuat konfransında cənub təmsilçisinin baş məşqçisi Mirça Rednik deyib. O, iki qolu rəqibə hədiyyə etdiklərini bildirib: "Düşünürəm ki, nəticə o qədər də ümidsiz olmağa əsas vermir. Üstəlik qol vəziyyətlərimiz də oldu, amma dəyərləndirə bilmədik. Lənkəranda möhtəşəm atmosferdə müsbət nəticə əldə etmək mümkündür". Baş məşqçi qısaca olaraq oyunun idarəçiliyinə toxunub: "Üçüncü qolda Kamrana qarşı kobudluq var idi və həmçinin Oparaya qarşı qayda pozulsa da penalti verilmədi".
Rednik ayrılıqda hansısa futbolçuda günah olması fikrini istisna etdi: "Nəticəyə hamı cavabdehdir. Bu oyunda da hiss olundu ki, bir neçə mövqedə çatışmazlıqlar qalmaqdadır. Bu gün bir çox futbolçu ona doğma olan mövqedə çıxış etmədi".
Bütün xəbərlər Facebook səhifəmizdə
USD
EUR
GBP
RUB