Bu gün Rusiyanın Sankt-Peterburq şəhərində boks üzrə "Qubernator kuboku" turniri start götürəcək. Siasport.az saytı xəbər verir ki, komandamız məşqçi Nəriman Abdullayevin rəhbərliyi altında yarışa "2-ci nömrələr"lə yollanıb. Rusiyanın şimal paytaxtında 8 boksçumuz rinqə çıxacaq. Heyətdə ən təcrübəli idmançı 60 kq çəki dərəcəsində döyüşəcək Romal Amanovdur. 60 kq çəki dərəcəsində daha bir təmsilçimiz - İmil İksanov da qələbə uğrunda mübarizə aparacaq. İlkin Ağayev (56 kq), İsmət Eynullayev (64 kq), Emil Əhmədov (69 kq), Yolçu Zeynalov (75 kq), Fərid Ağayev (81 kq) və Asim İsgəndərov da (91 kq) Sankt-Peterburqa yollanan heyətdə yer alıblar. "Peterburqski" İdman-Konsert Kompleksində keçiriləcək turnirdə yığmamızdan başqa, Rusiyanın 2 komandası, Avstraliya, İsrail, Qazaxıstan, Qırğızıstan, Latviya, Litva, Moldova, Tacikistan, Tunis, Özbəkistan, Ukrayna, İsveç və Estoniya boksçuları da iştirak edəcəklər.
Bütün xəbərlər Facebook səhifəmizdə
USD
EUR
GBP
RUB