Şəhidlik zirvəsinə ucalmış daxili işlər orqanları əməkdaşlarının xatirəsinə həsr olunmuş cüdo üzrə çempionat keçirilib. Daxili işlər orqanları əməkdaşları arasında keçirilən tədbirdə şəhidlərin ailə üzvləri, Azərbaycan Cüdo Federasiyasının nümayəndələri və digər qonaqlar iştirak ediblər. Daxili İşlər Nazirliyinin mətbuat xidmətindən SİA-ya bildirilib ki, yarışdan əvvəl Azərbaycanın ərazi bütövlüyü uğrunda canlarını fəda edərək şəhidlik zirvəsinə ucalmış igid oğullarımızın əziz xatirəsi bir dəqiqəlik sükutla yad olunub, Dövlət Himni səsləndirilib.
Tədbirdə çıxış edən qonaqlar bildiriblər ki, 44 günlük Vətən müharibəsində torpaqlarımızın işğaldan azad olunması dövlətçilik tariximizə parlaq səhifələr kimi yazılıb. Ötən ilin sentyabrında keçirilən lokal xarakterli antiterror tədbirləri ilə ölkəmizin suverenliyi tam bərpa edilib və bununla da erməni separatizminə son qoyulub. Bu şərəfli missiyada daxili işlər orqanlarının əməkdaşlarının iştirak etməsinin qürurverici olduğu vurğulanıb.
Qeyd edilib ki, cinayətkarlıqla mübarizədə fədakarlıq göstərən daxili işlər orqanlarının əməkdaşları həm Vətən müharibəsində, həm də anititerror tədbirlərində qəhrəmanlıq salnaməsi yazıblar.
Daha sonra yarışlara start verilib. Əməkdaşlar 6 çəki dərəcəsində mübarizə aparıblar.
Qaliblər medal və diplomlarla təltif olunublar.
Bütün xəbərlər Facebook səhifəmizdə
USD
EUR
GBP
RUB