İspaniyanın "Real Saraqosa"sında forma geyinən Sinan Bakişlə Polşa komandalarından "Qornik Zabrze" maraqlanıb. SİA Türkiyə mətbuatına istinadən xəbər verir ki, Polşanın "Qornik Zabrze" komandası "Real Saraqosa"da çıxış edən türkiyəli hücumçu Sinan Bakışı icarəyə götürmək istəyir.
Polşa komandası komandanın ən çox qazanan futbolçusu Bakşinin maaşının yarısını öz üzərinə götürməyə hazır olduğunu bəyan edib. Alış variantı da var.
Almaniyada doğulan Sinan Bakiş 750 min avro maaş alır və klubu ilə daha 2 illik müqavilə imzalayıb. “Ankaragücü” də futbolçu ilə maraqlanıb və maaşının 80 faizini ödəyəcəyinə söz verib. Lakin sonradan "Saraqosa" maaşın tam ödənilməsini tələb etdikdən sonra "Ankara" klubu təklifini geri götürüb. Sinan Bakışla maraqlanan digər komanda isə "Elçe"dir, lakin onlar rəsmi təkliflə çıxış etməyiblər. "Malaqa" və "Burqos" da futbolçunun vəziyyətini soruşsalar da, təklif verməyiblər. 30 yaşlı Sinan Bakiş "Andorra" komandası ilə 12 qol vurduqdan sonra "Saraqosa"ya transfer olunub. Lakin noyabrda aldığı zədədən sonra köhnə formasını tapa bilməyib.
Bütün xəbərlər Facebook səhifəmizdə
USD
EUR
GBP
RUB