Azərbaycanın futbol millisinin Albaniya və Qazaxıstanla keçirəcəyi beynəlxalq yoldaşlıq görüşləri üçün hazırlıq proqramı müəyyənləşib. AFFA-nın mətbuat xidmətindən SİA-ya verilən məlumata görə, yığma səfər öncəsi Bakıda 5 məşqə çıxacaq.
Məşqlər mayın 30-u, 31-i, iyunun 1-i, 3-ü və 4-də Bakı Olimpiya Stadionunda gerçəkləşəcək. İyunun 5-də isə komanda Avstriyaya yollanacaq.
Bundan bir gün sonra baş məşqçinin oyunöncəsi mətbuat konfransı və komandanın məşqi baş tutacaq. Millimiz iyunun 7-də Albaniya ilə matça çıxacaq. Ayın 9-10-da yenidən məşqlərə başlayacaq komanda 11-də Qazaxıstanla qarşılaşacaq.
Hər iki görüş Macarıstanda keçiriləcək. Yığma Vətənə iyunun 12-də qayıdacaq.
Qeyd edək ki, Azərbaycan millisinin baş məşqçi vəzifəsini Arif Əsədov icra edir.
Bütün xəbərlər Facebook səhifəmizdə
USD
EUR
GBP
RUB