Əməliyyat olunan PFL prezidenti və vitse-prezidentinin vəziyyəti stabildir

17 Dekabr 2023 14:56 | 2 252
Əməliyyat olunan PFL prezidenti və vitse-prezidentinin vəziyyəti stabildir

Dünən əməliyyat olunan Peşəkar Futbol Liqasının (PFL) Elxan Səmədov və PFL vitse-prezidenti Aslan Şahgəldigevin vəziyyəti stabildir. SİA xəbər verir ki, bu barədə Liv Bona Dea Hospitalın mətbuat xidmətindən məlumat verilib. Bildirilib ki, reanimasiya şəraitində müalicələri davam edir.

"Digər 4 xəstə isə stasionar şəraitdə müalicə alır. Ümumi vəziyyətləri nisbi-stabildir", - deyə cavabda qeyd edilib.

Qeyd edək ki, dekabrın 16-da Ağdam rayonu, Birinci Dördyol qəsəbəsində “Mercedes” markalı mikroavtobusun yol kənarındakı maneəyə çırpılması nəticəsində 6 nəfər xəsarət alıb.Qəzaya düşənlər PFL-in prezidenti Elxan Səmədov, PFL-in vitse-prezidenti Aslan Şahgəldiyev, PFL-in icraçı direktor Zaur Hacıməhərrəmov, PFL-in texniki-idman direktoru Elgiz Abbasov, PFL-in media və marketinq direktoru Sənan Abdullayev və sürücü Rasim Qafarlıdır.