"Barselona” klubu İspaniya La Liqasının XI turunda əzəli rəqibi "Real”a qarşı keçirəcəyi "El Klasiko” üçün hazırlanan xüsusi formanı təqdim edib. SİA xarici KİV-ə istinadən xəbər verir ki, Kataloniya təmsilçisi meydana "Rolling Stones” musiqi qrupunun loqosu olan formada çıxacaq.
"Barselona” ilə "Spotify” şirkəti arasındakı əməkdaşlıq çərçivəsində musiqiçilərin və qrupların loqoları ilə "El Klasiko”da iştirakın mümkünlüyü barədə razılıq əldə olunub. Oktyabrın 20-də "Rolling Stones”un "Hackneys Diamonds” albomunun buraxılışı olacaq. Bu, qrupun son 18 ildə ilk albomudur. Qeyd edək ki, "Barselona” – "Real” oyunu oktyabrın 28-də keçiriləcək.
Bütün xəbərlər Facebook səhifəmizdə
USD
EUR
GBP
RUB