İtaliya A Seriyasında lider dəyişib. SİA xəbər verir ki, “Milan” VIII turda səfərdə “Cenoa”ya qalib gəlməklə zirvəni ələ keçirib.
Qarşılaşma “rossoneri”nin minimal hesablı qələbəsi ilə başa çatıb - 0:1. Yeganə qolu 87-ci dəqiqədə Kristian Pulişiç vurub.
Oyunun sonlarında maraqlı hadisələr baş verib. 90+9-cu dəqiqədə “Milan”ın qapıçısı Mik Menyan qırmızı vərəqə alaraq meydandan qovulub. Komandada əvəzetmə limiti dolduğundan Menyanı qapıda hücumçu Olivye Jiru əvəzləyib. O hətta bir epizodda komandanı qoldan xilas etməyi də bacarıb.
Qələbə sayəsində xallarını 21-ə çatdıran “Milan” əzəli rəqibi “İnter”i geridə qoyaraq birinci pilləyə yüksəlib. Hazırda “Nerazzuri”nin 19 xalı var. “Cenoa” isə səkkiz xalla 15-ci sıradadır.
Bütün xəbərlər Facebook səhifəmizdə
USD
EUR
GBP
RUB