Xəbər verdiyimiz kimi, Dövlət Neft Şirkəti (SOCAR) və Türkiyənin “Qalatasaray” klubu arasında sponsorluq anlaşması olub. SİA xəbər veirr ki, bu gün “Ali Sami Yen” İdman Kompleksində tərəflər arasında imza mərasimi keçirilib.
Müqaviləni “SOCAR Türkiyə” şirkətinin baş icraçı direktoru vəzifəsini müvəqqəti icra edən Elçin İbadov və “Qalatasaray”ın prezidenti Dursun Özbek imzalayıb.
Üçillik sponsorluq sözləşməsinin ümumi dəyəri 15 000 000 avro təşkil edir. Belə ki, “Qalatasaray” 2023/2024 mövsümündən UEFA-nın bayrağı altında təşkil olunan bütün rəsmi klub turnirlərində sinəsində SOCAR yazısı olan formada çıxış edəcək.
İmzalanma mərasimində iştirak edən “Qalatasaray”ın futbolçuları Kerem Aktürkoğlu, Yunus Akgün və Lukas Toreyra dəstəyə görə SOCAR-a təşəkkür edib.
Qeyd edək ki, SOCAR, həmçinin, mediada “Qalatasaray Futbol Komandasının Enerji Sponsoru” ifadəsindən istifadə etmək hüququna da sahib olub.
Bütün xəbərlər Facebook səhifəmizdə
USD
EUR
GBP
RUB