Bakıda Çimərlik futbolu üzrə dünya çempionatının Avropa üzrə seçmə mərhələsinə start verilir. SİA xəbər verir ki, paytaxtımızın ev sahibliyi edəcəyi Çimərlik futbolu üzrə dünya çempionatının Avropa zonası üzrə seçmə mərhələsi 2-9 iyul tarixlərində keçiriləcək.
İlkin qrup mərhələsində yeddi ölkənin (Norveç, Yunanıstan, Danimarka, Litva, Çexiya, İsveç, Malta) komandaları 2-4 iyul aralığında mübarizə aparacaq.
5-7 iyul tarixlərində isə reytinqin ən yaxşı 13 komandası yarışacaq.
Çempionat çərçivəsində iyulun 8-də yarımfinal və pley-off oyunları, iyulun 9-da isə bu mərhələnin qalibini təyin edəcək final matçı keçiriləcək.
Qeyd edək ki, Azərbaycan yığmasının ilk qarşılaşması Moldova yığması ilə iyulun 5-də baş tutacaq.
Seçmə mərhələnin ən yaxşı 4 komandası bu il Birləşmiş Ərəb Əmirliklərində keçiriləcək dünya çempionatına vəsiqə qazanacaq.
Bütün xəbərlər Facebook səhifəmizdə
USD
EUR
GBP
RUB