Türkiyənin milli alpinisti Tunç Fındık bu qolda “Olimpiya çempionatı” adlanan və dünyada cəmi 45 nəfərin tamamlaya bildiyi “14x8000” layihəsini uğurla başa vuran ilk Türkiyə idmançısı oldu.
Türkiyə Alpinizm Federasiyasından verilən məlumata görə, ay-ulduzlu idmançı layihənin 14-cü və son ayağını Bakistandakı Nanqa Parbata (8125 metr) dırmaşaraq bu seriyanı başa vuran ilk Türkiyə atleti kimi tarixə düşdü.
SİA-nın türk saytlarından əldə etdiyi məlumata görə, Federasiya Tunç Fındıkı Türkiyə alpinizminə atdığı imzaya görə təbrik edib.
Qeyd edək ki, Tunç Fındık 2006-cı ildə “14x8000” layihəsi çərçivəsində dırmaşmalar sırasında Everest (Nepal), Ço Oyu (Nepal), Lhotse (Nepal), Dhaulagiri (Nepal), Makalu (Nepal), Kançenjunqa (Nepal), K2 (Pakistan), Şişapanqva (Tibet), Manaslu (Nepal), Qaşerbrum II (Pakistan), Brod-Pik (Pakistan), Annapurna I (Nepal) və Qaşerbrum I (Pakistan) zirvələrini fəth edib.
Bütün xəbərlər Facebook səhifəmizdə
USD
EUR
GBP
RUB