Rusiya Futbol İttifaqının (RFU) baş katibi Maksim Mitrofanov Avropa Futbol Assosiasiyaları İttifaqı (UEFA) ilə danışıqların yeni detallarını açıqlayıb. Onun sözlərini bukmekerlərin reytinqi sitat gətirir.
“Bizim əsas vəzifəmiz futbol oynamaqdır və heç bir konfederasiya siyahısına düşməməkdir. UEFA bunu başa düşür”, - deyə Mitrofanov bildirib. O vurğulayıb ki, Rusiya Asiya Konfederasiyasına getmək vəzifəsini qarşısına qoymur, lakin UEFA bu ölkənin üzvlüyünü bərpa etməkdən imtina edərsə, bu ehtimal nəzərdən keçirilir.
Qeyd edək ki, 2022-ci ilin dekabrında Rusiya Futbol İttifaqının İcraiyyə Komitəsi UEFA-dan Asiya Konfederasiyasına keçid məsələsini araşdıran işçi qrup yaratdı.
Müzakirənin 2023-cü ilin martına qədər başa çatdırılması planlaşdırılırdı. Beynəlxalq Futbol Federasiyası (FİFA) bəyan edib ki, ölkə Asiyaya keçərsə, Rusiya yığmasının 2026-cı il dünya çempionatının seçmə mərhələsində iştirakına mane olmayacaq.
SİA xatırladır ki, fevralın 28-də FİFA və UEFA Rusiya komanda və klublarını beynəlxalq turnirlərdən kənarlaşdırıb. Bu gün rus komandaları avrokuboklarda oynamırlar. Rusiya komandası isə 2022-ci il dünya çempionatının final mərhələsinə çıxmaq uğrunda mübarizə aparmaq imkanını itirib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB