“Real Madrid”in baş məşqçisi Karlo Ançelotti İspaniya çempionatının 28-ci turunun "Vilyarreal"a qarşı keçirdikləri oyunun (2:3) nəticələrini şərh edib.
SİA bu barədə xarici saytlara istinad edir
“Matç çətin keçdi, topu özümüzə qaytarmaq bizim üçün çətin oldu, çünki rəqib onunla yaxşı davranır. Qol vurmaq imkanlarımız oldu, 3-1 öndə olub oyunun tempini aşağı sala bildik, amma alınmadı. Üstəlik, çox yaxşı müdafiə oluna bilmədik. Bunu daha yaxşı etmək olardı.
Düzünü desəm, hazırda 100 faiz motivasiyalı olmaq çətindir. Amma bu olduqca təbiidir. Əgər 100 faiz motivasiyalı deyilsənsə, o zaman rəqibdən üstün olmalısan, amma biz mütəşəkkil deyildik və topu götürə bilmədik.
Son matçlardan fərqli olaraq, şanslarımızdan istifadə etmədik. Çətin olacağını bilirdik, amma çərşənbə günü “Çelsi” ilə oyun başqa bir hekayədir. “Mühərrikimiz”in temperaturu bir az aşağı düşüb, amma ümid edirəm ki, çərşənbə günü tam gücü ilə işləyəcək. Rotasyon qaçılmaz idi, çünki "Barselona" ilə oyundan sonra çox yorğun idik”.
Bunları Ançelotti deyib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB