Rusiyalı futbolçu Artem Dzyuba karyerasını Rusiya klubunda davam etdirmək istəyib.
SİA-nın əldə etdiyi məlumata görə, xəbəri “Sport24” yayıb. Beləliklə, mənbənin məlumatına görə, hazırda transferlə bağlı danışıqlar dayandırılıb. 34 yaşlı futbolçunun nümayəndələri 2022-ci ildə Qətərdə keçiriləcək dünya çempionatı başa çatdıqdan sonra xarici komandalarla əlaqəni bərpa etmək niyyətindədirlər.
Qeyd olunur ki, eyni zamanda futbolçu üçün prioritet variant karyerasını Rusiyada davam etdirməkdir.
Bu arada Kipr “Aris”inin hücumçusu Aleksandr Kokorin Dzyubanın gələcəyini “müzakirə edib”. O, futbolçunun Kipr klublarından birinə məşqçi kimi dəvət oluna biləcəyi barədə eşitdiyini bildirib.
Xatırladaq ki, Dzyuba 2022-ci ilin avqust-noyabr aylarında Türkiyənin “Adana Dəmirspor” klubunda çıxış edib. Komandanın tərkibində o, beş oyunda bir qol vurub. Futbolçu kifayət qədər oyun vaxtı almadığı üçün komanda ilə müqaviləyə xitam vermək qərarına gəlib.
Ağasəf Babayev
Bütün xəbərlər Facebook səhifəmizdə
USD
EUR
GBP
RUB