Bu günlərdə Quba Rayon Polis Şöbəsinin təşkilatçılığı ilə şəhər 2 nömrəli tam orta və rayonun Alekseyevka kənd tam orta məktəblərində narkomaniyaya qarşı maarfiləndirmə tədbirləri keçirilib.
SİA-nın verdiyi məlumata görə, tədbirlərdə polis əməkdaşları, RİH-in nümayəndəsi, veteranlar,eləcə də məktəblərin müəllim və şagird kollektivi iştirak ediblər.
Tədbirdə çıxış edən RPŞ-nin rəis müavini, polis polkovnik-leytenantı Vüsal Rüstəmov və digər iştirakçılar narkomaniyanın fəsadları ilə bağlı çıxış edərək belə vasitələrdən asılılığının səbəb olduğu faciələr, xəstəliklər barədə şagirdlərə geniş məlumat veriblər.
Görüşlərdə Daxili İşlər Nazirliyinin Polis Akademiyasının əməkdaşları da iştirak ediblər. Təhsil müəssisəsinin əməkdaşı polis kapitanı İlqar Quliyev çıxış edərək bu qocaman təhsil müəssisəsinin yaranma tarixi, inkişafı, ölkəmizdə hüquq elminin inkişafına verdiyi töhfələr, daxili işlər orqanlarının ali təhsilli hüquqşünaslarla təmin olunmasındakı fəaliyyəti barədə ətraflı məlumat verib, Polis Akademiyasında kursantların hərtərəfli inkişafı üçün yaradılan müasir şərait, zəngin kitabxanalar, laboratoriyalar və asudə vaxtın səmərəli təşkili məqsədilə görülən tədbirlərdən danışıb.
Sonda məktəblilərə Polis Akademiyasındakı tədris prosesinə, kursantların hazırlığına həsr olunmuş videoçarx nümayiş olunub və şagirdlərin sualları cavablandırılıb.
Bütün xəbərlər Facebook səhifəmizdə
USD
EUR
GBP
RUB