Gənclər paytaxtında düşərgə keçirilib - FOTOLAR

Azərbaycanın 2022-ci il üçün “Gənclər Paytaxtı” elan edilən Tovuz şəhərində 13-18 may tarixlərində Gənclərin Maarifləndirilməsinə Dəstək İctimai Birliyinin (GMD) təşkilatçılığı, Azərbaycan Respublikası Gənclər Fondunun dəstəyi ilə “Gənclərin Liderlik Akademiyası 2” düşərgəsi keçirilib. SİA xəbər verir ki, düşərgənin keçirilməsində əsas məqsəd gənclərin milli-mənəvi dəyərləri daha da dərindən mənimsəməsi, yeni bilik və bacarıqlar əldə etməsinə dəstək vermək, eləcə də asudə vaxtlarının səmərəli keçirmələrini təmin etməkdən ibarətdir.

Həmçinin, düşərgə çərçivəsində Azərbaycan Respublikası Prezidenti cənab İlham Əliyevin 2022-ci ili Şuşa ili elan etməsi ilə əlaqədar, Şuşanın və Qarabağın tarixi ilə bağlı maarifləndirmə sessiyaları təşkil edilmiş, dövlət başçısının həyata keçirdiyi gənclər siyasətinin imkanları barədə məlumat verilmişdir. Gənclər dəvət edilən dövlət və ictimai xadimlər, eləcə də müxtəlif sahələr üzrə mütəxəssislərin iştirakı keçirilən təlim və seminarlar vasitəsi ilə karyera quruculuğu, ictimaiyyətlə əlaqələr, informasiya-texnologiyaları və digər mövzular üzrə biliklərini təkmilləşdirmişlər. Təşkil edilən şəbəkələşmə oyunları, intellektual və idman yarışları proqramın daha maraqlı keçməsinə imkan yaratmışdır.

İştirakçılar düşərgə müddətində Tovuz və ətraf rayonlardakı tarixi və mədəni abidələri, əraziləri ziyarət etmişlər.

“Gənclərin Liderlik Akademiyası 2” düşərgəsində iştirakçı gənclər sertifikatlarla təltif ediləcək və fəallığı ilə xüsusi seçilən gənclər GMD-də təcrübə proqramına cəlb edilməsi nəzərdə tutulur.

Düşərgədə iştirak üçün ümumilikdə 1200-dən çox gənc müraciət etmiş və yekun seçimlər əsasında 110 gənc iştirak hüququ əldə etmişdir.

Qeyd edək ki, ənənə halını almış “Gənclərin Liderlik Akademiyası” ilk dəfə olaraq 2021-ci ildə Göygöl rayonundakeçirilib və layihə hər il Azərbaycanın “Gənclər Paytaxtı” seçilən şəhər və rayonlarında icra olunur.

Bütün xəbərlər Facebook səhifəmizdə

loading...