"Aprelin 20-si axşam Qərb rayonlarından başlayaraq ölkə ərazisində hava şəraiti dəyişib. Bəzi yerlərdə şimşək çaxıb, arabir yağış yağıb, güclü şimal qərb küləyi əsib".
Bu fikirləri SİA-ya açıqlamasında Hidrometeoroloji Proqnozlar Bürosunun direktoru Gülşad Məmmədova bildirib.
Onun sözlərinə görə, küləyin maksimal sürəti bəzi yerlərdə 23-28 m/s-dək güclənib: "Respublikanın şimal rayonlarında yağıntılar intensiv xarakterli olub və yağıntıların miqdarı bəzi rayonlarda 12 mm-dək olub.
Bu gün gün ərzində də güclü şimal-qərb küləyinin əsəcəyi və yağıntılı hava şəraitinin davam edəcəyi gözlənilir. Artıq 21-i axşam saatlarında müşahidə olunan qeyri-sabit yağıntılı və küləkli hava şəraiti tədricən zəifləyəcək. Aprelin 22-də və 23-də ölkə ərazisində hava şəraitinin sabit və əsasən yağmursuz olacağı gözlənilir".
Bütün xəbərlər Facebook səhifəmizdə
USD
EUR
GBP
RUB