“Virus kompyuterin işində xətalara səbəb ola bilən ziyanverici proqramdır. Kompyuterin virusa yoluxması adətən etibarsız mənbələrdən (fləş daşıyıcılardan, reklam xarakterli saytlardan və s.) istifadə edən zaman baş verir". Bu sözləri SİA-ya açıqlamasında informatika müəllimi Rəşad Rəsulov bildirib.
Onun sözlərinə görə, internetdən endirilmiş və daxilində virus olan proqramı işə salmamaq tövsiyə olunur: “Bu proqramları əvvəlcədən antivirus proqramları ilə yoxlamaq lazımdır.
Proqramı CD diskdən quraşdırmaq daha etibarlıdır. Virusun olub-olmamasını yoxlamaq üçün diski əvvəlcədən antivirus proqramının köməyilə yoxlamaq olar.
Ümumiyyətlə, antivirus proqramlarından istifadə etmək tövsiyyə olunur. Əldə olunan faylları antivirus vasitəsilə skan etmək və təhlükəsiz olduğunu yoxlamaq lazımdır”.
Bütün xəbərlər Facebook səhifəmizdə
USD
EUR
GBP
RUB