Azərbaycan Dövlət Mədəniyyət və İncəsənət Universitetində tələbələrin təhsil borclarının siyahısının açıq şəkildə yayılmasına görə ali təhsil müəssisəsinin tyutoru və dekanı töhmətlə cəzalandırılıb.
Bu barədə SİA-ya ADMİU-nun mətbuat katibi Şəhanə Müşfiq məlumat verib.
O bildirib ki, siyahı universitetdə divara vurulmayıb, sadəcə olaraq tütor tərəfindən tələbələrin "whatsapp" qrupuna göndərilib.
"Tyutor tərəfindən dekanlıq daxili üçün hazırlanmış sənəd imtahan öncəsi tələbələri məlumatlandırmaq məqsədi ilə "whatsapp" qrupuna göndərilib. Universitet rəhbərliyi bunun əleyhinədir və elə məsələ açılan kimi operativ şəkildə araşdırıldı, sənədin yayılmasına səbəbkar olan əməkdaşlar cəzalandırıldı" - deyə o bildirib.
Qeyd edək ki, bir müddət əvvəl sosial şəbəkələrdə ADMİU-nun illik təhsil haqqını gecikdirən tələbələrinin siyahısının yayılması tənqid olunmuşdu.
Bütün xəbərlər Facebook səhifəmizdə
USD
EUR
GBP
RUB