Əzəmətli Vətən müharibəsində qazanılan qələbənin birinci ildönümü ilə əlaqədar Sübhnur Tədris Mərkəzinin təşkilatçılığı ilə Zəfər Günü ilə bağlı "44 günlük dastan" adlı tədbir keçirilib.
Qafqaz Busines Mərkəzində baş tutan tədbirdə dövlət himni səsləndirildikdən sonra, canlarını Azərbaycan Respublikasının suverenliyi və ərazi bütövlüyü uğrunda qəhramancasına fəda etmiş vətən övladlarının əziz xatirəsi bir dəqiqəlik sükutla yad edilib. Tədbirdə aparıcı qismində Sübhnur Tədris Mərkəzinin rəhbəri Gülnarə Hüseynova və aparıcı, jurnalist Sevinc Rəcəbova çıxış ediblər. Tədbirdə söz alan Azərbaycan Respublikası Milli Məclisinin Deputatı Könül Nurullayeva, AMEA-nın filologiya üzrə fəlsəfə doktoru Əpoş Vəliyev, Peşəyönümlü Təhsilin inkişafına dəstək İctimai Birliyinin sədri İradə Əlili, Ombudsman əməkdaşı, Yazıçılar Birliyinin üzvi Azadə Novruzova çıxış edərək, vətən müharibəsində qazanılan böyük qələbənin əldə olunmasında Ali Baş Komandan, Prezident İlham Əliyevin rəhbərliyi altında igid oğullarımızın misilsiz şücaətləri barədə danışıblar.
Tədbirin qonaqları olan Vətən müharibəsi qaziləri Ülvi Qədir və digər Qazilər çıxışları zamanı vətən müharibəsi ilə bağlı təəssürat və xatirələrini bölüşüblər. Eyni zamanda tədbirdə Prezident İlham Əliyevin zəfər çıxışlarından ibarət video-çarx da təqdim edilib. Tədbirin qonaqları sırasında Vüsalə Əmiraslanova - Ahəng psixologiya reabilitasiya mərkəzinin rəhbəri; Ailə - uşaq psixoloqu Aytən x. Gənclər Fondunun vitse prezidenti Salman Əliyev Azərbaycan Dövlət İqtisad Universiteti UNEC Dizayn məktəbinin yaradıcılıq dərnəyinin rəhbəri Aytən müəllimə iştirak ediblər. Foyede sərgilənən gənc dizaynerlərin vətənpərvərlik ruhunda hazıladıqları əsərləri qonaqlar tərəfindən maraqla qarşılanıb.
Tədbirdə həmçinin qazilərlə yanaşı şəhidlərimizin bizə əmanət etdiyi ailələri də iştirak ediblər.
Sübhnur Tədris Mərkəzinin şagirdləri və Aysu Türkel tərəfindən "Zəfər" şeiri məharətlə səsləndirilmiş tədbirin davamında isə "Xarıbülbül" musiqi qrupunun və "Qarabağ"qrupunun rəhbəri Asim Pirimov və xanəndələrin ifasında "Azərbaycan" Xudayar Təsnifi və s.musiqilər təqdim edilib.
Vətən müharibəsinin qaziləri və şəhid ailələri səhnəyə dəvət edilərək onlara xalqımızın adından bir daha təşəkkür edilmiş, kitablar və təşəkkürnamə təqdim edilmişdir. Tədbirin sonunda Sübhnur Tədris Mərkəzinin rəhbəri G. Hüseynova çıxış edərək, tədbirə qatılan hər kəsə dərin təşəkkürünü bildirmiş, bu cür tədbirlərin uşaqlarda vətənpərvərlik hisslərini yüksəltdiyini, gələcək nəsillərin vətənə olan sevgisini artırdığını diqqətə çatdırmışdır.
Bütün xəbərlər Facebook səhifəmizdə
USD
EUR
GBP
RUB
