"Peyvəndlərin vacibliyi hər kəsə bəllidir, xüsusən tədris müəssisələrində olan insanların peyvənd olunması mühümdür. Lakin xoş olmayan bir hal var ki, hamilə olan və ya uşağa süd verən ananın universitetə girişi üçün problemlər yaşanır". SİA-nın məlumatına görə, bunu milli məclisin sədri Rəşad Mahmudov deyib.
R.Mahmudov bildirib ki, hamilə və ya uşağa süd verən ananın universitetə daxil olması üçün onlardan ya COVİD pasportu və ya ona əks sənəd tələb olunur: “Hamilə qadınlar və uşağa süd verən analar peyvənddən imtina etdiyi üçün onlara əks-göstəriş sertifikatı da vermək mümkün deyil və belə bir xoşagəlməz hal yaranıb.
Hətta tanıdığım bir şəxs bu problem səbəbindən tələbə hüququndan imtina edib. Hamilə qadınların peyvənd olunmasına əks göstəriş yoxdur, amma onları məcbur da edə bilmərik. Ona görə də həmin insanların universitetlərə daxil olmaları üçün hansısa formada şərait yaradılmalıdır və ya bu anlaşılmazlıq vəziyyətinə aydınlıq gətirilməlidir”.
Bütün xəbərlər Facebook səhifəmizdə
USD
EUR
GBP
RUB