23 iyun 2021-ci il tarixdə YAP Suraxanı rayon təşkilatının sədri Vüqar Seyidov və təşkilatın nümayəndələri Hövsan qəsəbəsinin sakini olan, Vətən Müharibəsi şəhidi leytenant Yusubov Elzar Süleyman oğlunun ailəsini ziyarət ediblər. SİA-nın verdiyi məlumata görə, Vüqar Seyidov təşkilat adından şəhid Elzar Yusubovun 1 yaşı tamam olan qızı Mələyi doğum günü münasibətilə təbrik edib, ona hədiyyələr təqdim edib.
Ailənin qayğıları ilə maraqlanan təşkilatın sədri söhbət zamanı şəhidlərimizin Vətən qarşısında böyük və misilsiz xidmətlərinin olduğunu, torpaqlarımızın azadlığı uğrunda şəhid olmuş hər bir övladımızın xatirəsinin dövlətimiz və xalqımız tərəfindən hər zaman uca tutulduğunu vurğulayıb, şəhid olan qəhrəmanlarımıza Allahdan rəhmət diləyib. Şəhid Elzar Yusubovun ailə üzvləri göstərilən diqqət və qayğıya görə, minnətdarlığını bildiriblər.
Bütün xəbərlər Facebook səhifəmizdə
USD
EUR
GBP
RUB