Prezident İlham Əliyev Şuşada Cıdır düzündə rəqs etdi (VİDEO)

Prezident İlham Əliyev Şuşada Cıdır düzündə rəqs edib. SİA-nın məlumatına görə, Azərbaycan Respublikasına rəsmi səfərə gələn Türkiyə Respublikasının Prezidenti Rəcəb Tayyib Ərdoğanın iyunun 15-də Şuşaya gəlib.

Şuşada Heydər Əliyev Fondunun təşkilatçılığı ilə “Musiqi irsi və Qarabağ atları Cıdır düzündə” adlı musiqili kompozisiya təqdim edilib.

Azərbaycan Respublikasının Prezidenti İlham Əliyev, birinci xanım Mehriban Əliyeva və Türkiyə Respublikasının Prezidenti Rəcəb Tayyib Ərdoğan, birinci xanım Əminə Ərdoğan musiqili kompozisiyaya baxıblar.

Tədbir zamanı Türkiyə Respublikasının Prezidenti Rəcəb Tayyib Ərdoğana ən qədim at cinslərindən olan “Zəfər” adlı Qarabağ atı və “Xarıbülbül” kompozisiyası hədiyyə edilib.

SİA Azərbaycan Televiziyasına istinadən Cıdır düzündə çəkilmiş görüntüləri təqdim edir:

Bütün xəbərlər Facebook səhifəmizdə