Müddəti keçmiş məhsullar və xarab olan qidaları atmaq əvəzinə onlardan ən yaxşı şəkildə istifadə etmək olar. SİA-nın Türkiyə mətbuatına istinadən verdiyi məlumata görə, tapılan həllər fərqli və ya qeyri-adi görünsə də, lakin işə çox yarayır. Bir şərtlə ki, istifadə etməzdən əvvəl sınaqdan keçirin.
Avokado
Mətbəxdə öz-özünə yetişən avokadonu atmaq əvəzinə saç maskası kimi istifadə edin. Avokado saçlarınız üçün əla bir nəmləndirici olacaqdır. Onu əzib qarışdırın. Quru saça çəkin və ən azı 6 saat saxlayın. Sonra şampunla yuyun.
Kağız üz maskası
Müddəti bitdikdən sonra üzünüzdə kağız üz maskaları istifadə etmək düzgün deyil. Lakin, onu atmaq əvəzinə quru və çatlamış ayaqlarınıza, sinənizə, boynunuza və ya əllərinizə tətbiq edə bilərsiz.
Nəmləndirici krem və təmizləyici süd
Müddəti bitmiş nəmləndiriciniz və ya təmizləyici südünüz varsa, onlardan çantaları və pul qabını təmizləmək üçün istifadə edə bilərsiniz. Bunun üçün pambığa biraz nəmləndirici və təmizləyici süd götürüb işə başlayın.
Süd
Xarab südü dərhal atmayın. Yenidən qiymətləndirmək üçün bir çox metoddan istifadə edə bilərsiniz. Bunlardan ən məşhur olanı, onu yenidən yararlı hala çevirməkdir. Korlanmış süddən kəsmik pendir etmək də ləzzətlidir.
Üz maskası kimi də istifadə edə bilərsiniz, eyni zamanda yenidən yeməyə çevirə bilərsiniz. Bunun üçün südü bütün üzünüzə bərabər şəkildə tətbiq edin və quruduqdan sonra yuyun. O qədər xoşagələn qoxu gəlmir, amma süd turşusu dəriniz üçün möcüzələr yaradacaqdır.
Təraş kremi
Eyni şəkildə təraş kremini də təkrar istifadə edə bilərsiniz. Xüsusilə kir və yağları təmizləmək üçün əla bir məhsuldur. Bunun xaricində edə biləcəyi ən təəccüblü şeylərdən biri də dırnaq diblərinin təmiz olmasıdır. Təraş kremini dırnağınızın dibinə diş çubuğu köməyi ilə çəkin və təmizləyin.
Diş məcunu
Diş məcununun tərkibində dərman olduğu üçün xalçadakı ləkələrin təmizlənməsinə və hətta divarlardan rəngli qələmlərin silinməsinə kömək edə bilər. Əlavə olaraq, telefon ekranını və idman ayaqqabısını təmizləmək üçün də istifadə edə bilərsiniz.
Qatıq
Qatıq bir çox sahədə istifadə olunan qidadır. Vaxtı keçmiş qatıqdan üz təmizlənməsi və ya maska kimi istifadə edə bilərsiniz. Qatığı bal və xiyarla qarışdırdıqdan sonra, üzünüzə tətbiq edin və 15 dəqiqə oturmasına icazə verin. Sonra ilıq su ilə yuyun.
Göz və dodaq qələmi
Gözlərinizdə və ya dodaqlarınızda vaxtı keçmiş makiyaj qələmlərindən istifadə etmək təhlükəlidir. Ancaq, onları atmaq əvəzinə, oxuduğunuz kitabdakı cümlələrin altını işarələmək üçün rəngli qələm kimi istifadə edə bilərsiniz.
Fıstıq əzməsi
Qəribə olsa da, təraş kremi əvəzinə fıstıq yağı istifadə edə bilərsiniz. Fıstıq yağı, təraşdan sonra dərini hamarlaşdıran və onu yumşaq edən yağlarla zəngindir.
Ayşən Sadıxzadə
Bütün xəbərlər Facebook səhifəmizdə
USD
EUR
GBP
RUB