ABŞ-ın Atlanta şəhərində Xocalı soyqırımına həsr olunmuş sərgi təşkil edilib

Atlanta-Azərbaycan İcmasının üzvü Rəna Rzanın təşkilatçılığı ilə Corciya ştatının Atlanta şəhər meriyası və Kapitol binası qarşısında Xocalı faciəsinin 29-cu ildönümü ilə əlaqədar sərgi təşkil edilib. SİA-nın xəbərinə görə,

"Xocalıya ədalət" ("Justice for Khojaly!") beynəlxalq məlumatlandırma kampaniyası çərçivəsində gerçəkləşdirilən sərgidə Xocalı soyqırımı qurbanlarının və II Qarabağ müharibəsi ərzində Ermənistan hərbi-siyasi rəhbərliyinin göstərişi ilə Azərbaycanın döyüş meydanından kənarda yerləşən Gəncə, Bərdə, Mingəçevir və digər şəhərlərinin bombardman edilməsi zamanı öldürülən mülki azərbaycanlıların fotoları nümayiş etdirilib.

Sərgi ilə maraqlanan yerli sakinlərə Ermənistanın azərbaycanlılara qarşı apardığı etnik təmizləmə və soyqırımı siyasəti, Xocalıda uşaqlar, qadınlar və qocalar da daxil olmaqla misli görünməmiş kütləvi qırğın törətməsi barədə ətraflı məlumat verilib.

Müəllif: Gülyana

Bütün xəbərlər Facebook səhifəmizdə

loading...