TDAV-dan Azərbaycana dəstək məktubu

Qəhrəmanlıq mübarizəsini qardaş Türkiyə qürurla izləyir

Türk Dünyası Araşdırmaları Vəqfinin (TDAV) sədri KözhanYazgan Azərbaycana dəstək məqsədilə UNEC rektoru, professor Ədalət Muradova məktub ünvanlayıb.

Məktubda Azərbaycanın bütün beynəlxalq qərarlara rəğmən, 90-cı illərdən bəri ermənilərin işğalı altında olan Dağlıq Qarabağ və ətraf rayonlarını azad etməsi uğrunda qanı, canı bahasına apardığı qəhrəmanlıq mübarizəsini qardaş Türkiyənin qürurla izlədiyi bildirilir. Azərbaycanın 30 ilə yaxın müddətdə bu haqq mübarizəsini sülh yolu ilə həll etmək cəhdlərinin heç bir nəticə vermədiyi, ermənilərin isə mülki obyektləri hədəf aldığı, körpə-uşaq demədən, məsum insanların qanını tökərək vəhşiliklər etdiyi deyilir. Dünyanın gözü önün baş verən bu alçaqlıq nifrətlə, lənətlə qınanılır.

“Qardaş Azərbaycanın acısı acımız, sevinci sevincimizdir” deyən K.Yazgan, “Bir millət iki dövlət” olaraq, bütün duyğularımıza ortaq olduğunu vurğulayıb.

Məktubda TDAV-ın qardaş Azərbaycanın müharibə şəraitində, həm də koronavirussəbəbilə ağır şərtlər altında onlayn təhsildəki uğurlarını yaxından izlədiyi, bu istiqamətdə hər hansı bir dəstəyin göstərilməsi üçün hazır olduqları deyilir.

Sonda K.Yazgan qardaş Azərbaycan ordusunun qısa zamanda zəfər qazanması və işğal altında olan torpaqlarda sonsuza qədər ay-ulduzlu bayrağın dalğalanması ilə bağlı diləklərini çatdırıb.

Bütün xəbərlər Facebook səhifəmizdə

loading...