"Üzv dövlətlər Qoşumama Hərakatının sənədlərinə sadiqliyini növbəti dəfə nümayiş etdiriblər" - Deputat

"30 il davam edən Ermənistan-Azərbaycan Dağlıq Qarabağ münaqişəsinin həlli istiqamətində Birləşmiş Millətlər Təşkilatının Təhlükəsizlik Şurasında 1995-ci ildən sonra ilk dəfə olaraq Dağlıq Qarabağda başlanılan Vətən müharibəsinin 2-ci günü, yəni sentyabr ayının 29-da Estoniya və Almaniya dövlətlərinin təklifləri əsasında mövcud hərbi vəziyyətlə bağlı məsələyə baxılmış və hər hansı bir yekun sənəd səsləndirilməmişdir.
Azərbaycanın müzəffər Ordusu tərəfindən Dağlıq Qarabağ ətrafında yerləşən rayonlarımız (Füzuli, Cəbrayıl, Zəngilan, Qubadlı) işğaldan azad olunmuş, orda olan terror qruplaşmaları və Ermənistanın silahlı qüvvələrinə aid hərbi texnika məhv edilmişdir". Bunu SİA-ya açıqlamasında Milli Məclisin deputatı Məzahir Əfəndiyev deyib.

Millət vəkili bildirib ki, ATƏT-in Minsk Qrupunun həmsədr dövlətləri humanitar atəşkəsin imzalanmasına dair birgə bəyanat səsləndirdikdən sonra Rusiya və Fransanın təklifləri əsasında 19 oktyabrda BMT TŞ bir daha münaqişənin həlli ilə bağlı müzakirə keçirib və bəyanat hazırlayıb: "Lakin, təəssüflə qeyd olunmalıdır ki, dünyadakı siyasi riyakarlıq və ikili standartlar burada da özünü göstərmiş və 1993-cü ildə münaqişənin ədalətli həlli istiqamətində qəbul olunan məlum dörd qətnaməyə heç bir istinad olunmamışdır. Yalnız BMT TŞ-nın digər qeyri-daimi üzvləri və Qoşulmama Hərakatının üzv dövlətlərinin BMT-dən fərqli israrlı və prinsipial mövqeyindən sonra bəyanat qəbul olunmamış və rəsmən geri götürülmüşdür. Bununla da həmin dövlətlər BMT nizamnaməsinə, beynəlxalq hüququn norma və prinsiplərinə, BMT TŞ-nın qətnamələrinə, Bandunq prinsiplərinə - dövlətlərin ərazi bütövlüyünə hörmət, daxili işlərə qarışmamaq, qarşılıqlı mənafelərin qorunması və sərhədlərin zorla dəyişdirilməsinin yolverilməzliyi, Qoşumama Hərakatının sənədlərinə sadiqliyini növbəti dəfə nümayiş etdiriblər.
Beləliklə, BMT-nin öz nizamnaməsini yerinə yetirə bilməməsinə dair fikirlər artıq öz təsdiqini tapır. BMT dünyada söz və nüfuz sahibiolan böyük dövlətlərin əlində təsir mexanizmli bir təşkilata çevrilməklə, 2020-ci ildə demək olar ki, olan qalan nüfuzunu da məhv etmiş oldu. ATƏT-in Minsk Qrupunun həmsədr institutu isə artıq ədalətli qərarlar qəbul etmək şansını tamamilə itirmişdir. BMT TŞ-nın bu biabırçı vəziyyətdən çıxmasına yuxarıda qeyd olunduğu kimi, Qoşulmama Hərakatının üzv dövlətləri kömək etməyə çalışır və hesab edirəm ki, Təhlükəsizlik Şurasının oktyabrın 19-dakeçirilən iclasında nümayiş etdirdiyi ikili standartlara söykənən siyasi oyunbazlıq bütün dünya üçün ibrət olmalıdır".

M.Əfəndiyev qeyd edib ki, bu gün Azərbaycan BMT TŞ-nın qətnamələrini yerinə yetirən nümunəvi üzv dövlətdir: "Eyni zamanda Azərbaycan son iki il müddətində Qoşulmama Hərakatına şərəflə, ləyaqətlə rəhbərlik etməkdədir. Ölkəmiz Qoşulmama Hərakatının prinsiplərinəuyğun qəbul olunmuş bütün qərarların icrasına nəzarət edərək, dünyada haqqın, ədalətin bərqərar olunması üçün bütün imkanlarını bundan sonra da səfərbər edəcəkdir. Bütün Azərbaycan xalqı, başda Ali Baş Komandan olmaqla sona qədər,suverenliyimiz bərpa olunana qədəröz haqq-ədalət mübarizəsini aparacaq, heç vaxt bu yoldan dönməyəcək. Nə qədər ki, gec deyil dünya dövlətlərini BMT-nin sülhün, əmin-amanlığın qorunması prinsiplərinə sadiq qalması,haqqın, ədalətin bərqərar olunması üçün BMT-yə təsir etməyə çağırıram".

Bütün xəbərlər Facebook səhifəmizdə

loading...