"Biz müvəqqəti uçuş qaydalarını xarici dövlətlərə göndərəcəyik". SİA xəbər verir ki, bunu bu gün Nazirlər Kabineti yanında Operativ Qərargahın təşkil etdiyi mətbuat konfransında "Azərbaycan Hava Yolları" QSC-nin (AZAL) vitse-prezidenti Eldar Hacıyev bildirib.
O deyib ki, hansı dövlətlərin aviaşirkətləri Azərbaycana səfər etmək istəyəcəksə, Operativ Qərargahın qərarı ilə aviaşirkələrin uçuşu barədə qərar veriləcək: "Bakı-Naxçıvan, Naxçıvan-Bakı istiqamətində biletlər alınandan sonra TƏBİB-in xüsusi laboratoriyasında informasiya olacaq ki, filan sərnişin filan istiqamətdə bilet alıb. Bizim satış sistemimiz TƏBİB-in laboratoriyası ilə əlaqədə olacaq. Saytımızda sərnişinin TƏBİB-in hansı laboratoriyasına və saat neçədə getməsi əksini tapacaq. Bakı-Naxçıvan və Naxçıvan-Bakı istiqamətində təyyarənin sərnişinləri pulsuz testdən keçəcəklər. Bu istiqamətlərdə bilet satışı 72 saat qalmış dayandırılacaq. Çünki TƏBİB o müddətdə testin cavabını çatdırmalıdır. Testin müsbət və mənfi cavabı sərnişinin biletində dərhal əksini tapacaq".
Bütün xəbərlər Facebook səhifəmizdə
USD
EUR
GBP
RUB