“Yay aylarında yeni növ koronavirusla bağlı epidemioloji vəziyyət dəyişəcək. Pandemiya nisbətən zəifləyəcək”. SİA-nın xəbərinə görə, bunu virusoloq, tibb elmləri doktoru, professor Anatoli Altstein açıqlayıb.
O bildirib ki, yayda infeksiyanın yayılması ilə bağlı vəziyyətin zəifləməsi havaların isti keçməsi, günəş radiasiyasının COVİD-19 patogeninə mənfi təsiri ilə bağlı deyil.
“Yayda insanların immun sistemi daha güclü olur və qışla müqayisədə isti havalarda insanlar bir-birilərindən daha çox məsafə saxlayırlar. Ona görə də yay aylarında infeksiyanın yoluxma riski aşağı düşəcək”,- deyə virusoloq qeyd edib.
Qeyd edək ki, Ümumdünya Səhiyyə Təşkilatının son məlumatına görə, dünyada koronavirusa yoluxan insanların sayı 3,5 milyon nəfərə çatıb, 245 min nəfər dünyasını dəyişib.
Bütün xəbərlər Facebook səhifəmizdə
USD
EUR
GBP
RUB