ƏMA koronavirusla mübarizədə dəstək kampaniyasına qoşulub

Azərbaycan Respublikasının Əqli Mülkiyyət Agentliyi koronavirus infeksiyasının Azərbaycanda geniş yayılmasının qarşısını almaq və onunla mübarizə istiqamətində həyata keçirilən tədbirlərə maliyyə dəstəyi kampaniyasına qoşulub.

Agentlikdən SİA-ya bildirilib ki, Agentliyin İdarə Heyətinin qərarı ilə Azərbaycan Respublikası Prezidenti cənab İlham Əliyevin 2020-ci il 19 mart tarixli Fərmanına əsasən yaradılan Koronavirusla Mübarizəyə Dəstək Fonduna Agentliyin əldə etdiyi gəlirdən 100 min manat məbləğində vəsait köçürülmüşdür.

Bundan əlavə olaraq, bu istiqamətdə dövlət tərəfindən həyata keçirilən tədbirlərə töhfə vermək məqsədilə Agentliyin İdarə Heyətinin sədri aylıq vəzifə maaşını, Agentliyin rəhbər şəxsləri isə əmək haqlarının bir hissəsini Koronavirusla Mübarizəyə Dəstək Fonduna köçürüblər.

Bütün xəbərlər Facebook səhifəmizdə

loading...