XX əsrin ən dəhşətli faciəsi Xocalı soyqırımı

AMEA-nın Fəlsəfə İnstitutunda Xocalı soyqırımının 28-ci ildönümü ilə əlaqədar anım tədbiri keçirilib. İnstitutdan SİA-ya verilən məlumata görə, tədbiri giriş sözü ilə açan müəssisənin direktoru, fəlsəfə üzrə elmlər doktoru, professor İlham Məmmədzadə 1992-ci il fevralın 25-dən 26-na keçən gecə Xocalıda azərbaycanlılara qarşı törədilmiş soyqırımı cinayətlərini dünya elmi ictimaiyyətinə çatdırılmasının vacibliyini vurğulayıb. Bildirib ki, bu məqsədlə xarici dillərdə kitablar, məqalələr çap olunmalı, beynəlxalq konfranslarda Qarabağ mövzusunda elmi faktlara əsaslanan çıxışlar təşkil edilməlidir.

İnstitutun elmi işlər üzrə direktor müavini, tarix üzrə elmləri doktoru Eynulla Mədətli Xocalı faciəsinin başvermə səbəblərindən danışıb, tarixin dərslərindən ibrət götürməyin vacibliyini qeyd edib.

Digər sıxış edənlər də Xocalı soyqırımının XX əsrin ən dəhşətli faciəsi olduğunu vurğulayıblar.

Bütün xəbərlər Facebook səhifəmizdə

loading...