Ahıska türklərinin doğma torpaqlarından sürgün olunmasının 75 illiyi ilə əlaqədar Türkiyənin Azərbaycandakı səfirliyi və Türkiyə İş Adamları Birliyinin birgə təşkilatçılığı ilə bir qrup jurnalist Saatlı rayonuna səfər edib. SİA xəbər verir ki, media nümayəndələri Saatlı rayonundakı Ahıska türklərinin məskunlaşdığı Qazanbatan kəndində qonaq olub.
Öncə kəndin girişində Ahıska türklərinin sürgün olunmasını simvolizə edən 75 ədəd ağac əkilib. Sonra jurnalistlər Türkiyənin Azərbaycandakı səfiri Erkan Özoral, TUİB başqanı Hüseyn Büyükfırat Ahıska türklərinin ən yaşlı nümayəndələrindən olan 98 yaşlı Ənsər Rizmanovu ziyarət ediblər.
Ənsar Rizmanov mərhum Prezident Heydər Əliyev və Prezident İlham Əliyevin Ahıska türklərinə diqqət və qayğısından danışıb: "Mərhum Heydər Əliyev bizə çox qayğı göstərirdi. İndiki prezident İlham Əliyevdən də çox razıyıq. Azərbaycana və Türkiyəyə bizə göstərdiyi diqqət və qayğıya görə çox təşəkkür edirik. Azərbaycan və Türkiyə hər zaman bizim yanımızda olub. Bizə ilk yardım edən türk iş adamı Hüseyn Büyükfıratdan hamımız razıyıq. Cənab səfir və Saatlı Rayon İcra başçısı Nazim İsmayılovun da bizə diqqətini də unuda bilmərik".
Aysel Məmmədova
Bütün xəbərlər Facebook səhifəmizdə
USD
EUR
GBP
RUB